رزحة أهالي جنوب الشرقية في دماء والطائيين في عرس محسن الشهيمي ألمانيا

محاورات الرزحة التي دارت أحداثها في ولايه دماء والطائيين بلدة البيّض بتاريخ ٦ ديسمبر ٢٠١٩م في عرس الأخ ( محسن بن عامر الشهيمي) الأولى بين الشاعر عبدالله بن عامر الغنيمي والشاعر صقر بن عامر السوطي عبدالله سميت بالله بيده توفيق المراد والشمس تجري فمستقرها المعهود بنثر سلامي على الشايب وعلى لاولاد ياللي غشاني مذهبهم كرامة وجود صقر من دوسته تهزهزن صم الوتاد صلوا عليه بعّد قضقاض الرعود بك مرحبا وحي الله يا نسل الأجواد ساعة وصلت الديرة با ننثر ورود الغنيمي والله صقر لو تسأل بعطيك سداد صرها المودة فخاطري ما تبا شهود سكنّتكم في ضامري قصر شداد ألغي بمثل وأقدم مطلب المقصود صقر بيني وبينك داعنه براح الفواد يلك زمن عبدالله عندنا مودود قرّب كتابك وافتح صفحات المداد عند القبايل بنخلي المثل ممدود الغنيمي الشاهد الله تو ظهر زمانه وعاد يوم العوادي تستقبل جمع الوفود يقولوا الرباعة يرْقبوا على الميعاد اليوم الوفق فمْطالعه نجم السعود صقر في وسط غبة رموبه يوسف الحساد وحزن عليه الوالد والبصر مرمود يبكي بعبرة وعليه الدمع مافاد شلوه على دار الزليخا بالقيود الغنيمي أنته دريت بقصّته قبل الرشاد دخل عليهم زهفع ونتهى محسود نادى عظيم الباري خلّاق العباد يا وحي بشّر يعقوب وأمره بسجود صقر أمر الولي ميستوي عنه نفاد بيتم امره لون يبلغ المجهود سارت عليه و دخلته بالعناد من هين مهرب عنها والقصر مسدود الغنيمي ما يردها البغية سور ولا عتاد والقلب سالي ما باب بقفل موصود ودن رعى الزليخا ما عنه محاد لو ما رعاية ربي يوسف ما يذود تمت المحاورة لدخول صف جنوب وشمال الشرقيه ومن ثم تقدم الشاعر سليمان ود خمسات البلوشي والشاعر فريش بن عامر العويسي في المحاورة الثانية ولد خمسات ابدي بسلامن شروى سحّاب وبروق لين تشرب البيض وتصبح مخصبه وعلى جداكم جابتني ركاب الشوق بالفين فارس وجيوشن مدربه فريش العويسي به مرحبا لي زارنا بعد الشروق جايب صراديد الوغى لنايبه ياصايغ الجواهر عيصانك تفوق اشهد عطى ربي كثير الموهبه ولد خمسات حني يروحي وغرد ياحمام الطوق الليله الهوى بندلله وبنروف به ذي دعوتن متكلفه اموال ونفوق محسن و شفاقه وربوعه وعربه فريش العريسي هذا المثل يغذي شريان العروق يشفي جميع المسقم ويغيب اتعبه الليله البحر موجاته بتتعاطى فوق كل موجتن جسر المكلا تخربه ولد خمسات المقدر الله لن صاب السبايب عوق و الادمي همه الشقى ومصايبه طمن فوداك لوكان المخيله تسوق مع نوخذاين ما يتضعضع مركبه فريش العويسي هذا مثالي لا سارق ولا مسروق بفضيلتك احفظ مثالي و اكتبه بيني وبينك سيره والعهد موثوق ابلا يفرقنا الزمن وكذايبه ولد خمسات العهد باقي مرفوق الهوى مرفوق أكرم على العاقل يخون بشايبه أنا عارفنك م تتبع مسيرة نوق لي تفرقن نشيره ومسانيد عقبه فريش العويسي طحنا فشخص الليله رجالن صدوق يوفي بوعده لو على قص رقبه يرتاح قلبي كني م السجن مطلوق كلهم يفرحوبه عياله ونسبه تمت المحاورة لدخول آذان الظهر ومن ثم تقدم الشاعر مبارك المشرفي والشاعر سالم بن شنون الراشدي في المحاورة الثالثه مبارك سبحان لي جمعنا في يومٍ غظيم ويسّر علينا كلّ أمرن معسري سلام الله عليكم من قلبن حشيم زمطي يديرة بمن لفى واستبشري سالم آمنت به يلي على عرشه مقيم يلي سكب وابل غضب للسامري وانثر تحية واحايي بصفن كريم ياللي فضى حفل الشهيمي زايري مبارك حيا بربيعن عاقل من مثله عديم يندل دروبن زينه ويقفرلي ثري يوم جيت با صلي أقيم واستقيم راعي الوطن عايابي وصلّابي سفري سالم الراشدي والله مبارك لا صغته الحرف النظيم ب اعاوضك حرفن مثيله ينقري لي م تفقه فالشرايع يا نديم بشريعتن عند القبايل تنطري مبارك المشرفي أصل الشرايع زمنها زمنٍ قديم دستور ربي ثابت ما يتغيري قل الفهامه سالم أب جسمن سليم بيطيب لن طاح فيدين الدختري سالم الراشدي كثروا الدخاتر والعسامة ليم ليم أما العظل ما طاب بعده منوسري أنا محشمنك عنها سيرات الغشيم أنته تعرفه في زمانه الحايري مبارك المشرفي بلّوم زماني مب طايع لي يستليم مب آدمي يسمع كلامي ونظري كان البخت نديمي واصبح لي غريم عامين م لمحته بشوفي وبصري في وقت العصر المحاوره دخل في المربوعة كل من الشاعرين حسين بن خليفه المعمري وعبدالله بن سبيت العلوي وعبدالله بن عامر الغنيمي حسين باعيد المثل تصفيده صوغن والصياغه فريده ويا راعي المثايل قرب قرب وانظر التصفيد عساها الليالي سعيده ويعود الزمن لي نحيده بايفرح فوادي ويطرب ويكون الفواد سعيد عبدالله العلوي صلو ع النبي بعقيده لي فك الجمل من قيده يوم شافه فمهانه وينحب فكه من امرن عقيد حن وصلنا ع الوعيده جينا ع الطلايب سيده افرق من لوايم واحسب مثلي ما يخلف وعيد .. وتعذر الشااعر حسين لظرف طارئ وأكمل الشاعر عبددالله الغنيمي عبدالله الغنيمي قولك عبدالله نشيده فكل محفل قالوا نريده يقرى لي يعجبه ويكتب واكتب أبيات القصيد ذعذعي كوس البريده وسلي الخاطر وهيده خولن من معالي يسكب جارف ومسوي وهيد عبدالله العلوي روحي هالبناء بازيده ساساً شيدته بعميده مرجان وزمرد وذهب يزهابه المثل بازيد عندك للطريق وكيده؟ عمد هل جبل مقصيده من قبل الشمس ما تغرب وافيني بخبرن وكيد عبدالله الغنيمي يقفيني الغمري بعميده يرميني بنرم وحديده م دعوها القرايح توجب وانته الداري والعضيد حصنه كامل بتشييده م تعقبه وهانه وضيده ظاري وانته الي مجرب نقطعها صحاري البيد تمت المحاورات *كتبة بقلم ايمن العامري*

الفئة