طريقة عمل المفتول الفلسطيني مفتول - الجزء الثاني ألمانيا

مفتول فلسطيني بعد ما عملنا المفتول من الصفر اليوم راح نجهزه للغدا مع يخنة القرع 🔥❤️ اول حاجة لازم نعمل الدقة للمفتول عبارة عن بصل مفروم 🧅 وفلفل حار 🌶 جرادة ناشفة وملح. بنحط( بالسكرجة ) الفلفل الحار والملح والجرادة الناشفة ، بنطحن الفلفل والجرادة والملح كتير كويس وبعد هيك بنضيف البصل المفروم وبندقهم مع بعض. بنحط المفتول بوعاء كبير وبنضيف عليه ماء بارد بالتدريج وبنحركه كتير كويس لحتى تتشرب حبات المفتول بس ننتبه ما نضيف مي بكمية كبيرة بدنا نضيف الي نحس المفتول تبلل شوي. بنضيف الدقة الي جهزناها للمفتول وبنحرك كتيير كويس وبنضيف نص كوب زيت زيتون وبنرجع نحرك لحتى كل حبة من حبات المفتول تتغلف بالدقة. بنحط بطنجرة المفتول ماء مغلي وبنحط المفتول بالمصفاة وبنرجع نركبها على الطنجرة كمان مرة لحتى تستوي حبات المفتول وتتشرب المي وتستوي الدقة الي حطيناها للمفتول. بعد ما يطلع البخار من المفتول والدقة تستوي بنزل المفتول عن الغاز وبنحطه بوعاء كبير وبنضيف عليه كوب زيت زيتون وبنحرك كويس وبنغطيه بفوطة نظيفة لحتى ما يتكون مي عليه من البخار الي بطلع منه. طبعاً بنتحكم بدرجة ملوحة المفتول حسب الذوق والرغبة. بنجهز اليخنة وهي عبارة عن : بصلة 🧅 بنشوحها بزيت نباتي وبنضيف عليها اللحمة أو الدجاج أو الحبش اي نوع لحمة بتحبوها أستخدموها باليخنة. بعد ما نشوح اللحمة كويس بنضيف الماء المغلي والمطيبات ( هيل ، قرفة ، ورق غار ) اي حاجة عندكم استخدموها. بعد ما تستوي اللحمة معنا بنصفيها وبناخد المرقة تاعتها لليخنة. بطنجرة حطيت زيت نباتي وأضفت حبات بصل صغيرة 🧅 شوحتهم على 🔥وحبتين جزر 🥕مقطعات كبير وشوحتهم كويس. حطيت مرقة اللحمة وأضفت صلصة البندورة 🥫والحمص المسلوق.بتركهم يغلو مع بعض عشر دقائق، بعد هيك حطيت القرع المقطع لقطع كبيرة لحتى ما يذوب معنا. بنتأكد من الملح وبنضيف ربع ملعقة صغيرة سكر لحتى تعادل حموضة صلصة البندورة 🍅. بنترك اليخنة على النار 🔥 لحتى تتسبك معنا وننتبه على القرع ما يذوب معنا. بنقدم المفتول مع يخنة القرع 😋❤️ صحة وعافية #مفتول Part 1: /watch/gdf4LZ2tQwXt4

الفئة